Recoñecemento ao traballo da Garda Civil de Pontevedra co sector da seguridade privada
Por Redacción
A Asociación de Profesionais para a Vixilancia dos Recursos Naturais (Provirena) quixo agradecer esta semana o traballo e colaboración da Garda Civil de Pontevedra en relación co sector da seguridade privada.
O presidente e o secretario de Provirena, Eliseo García e José Manuel Pena, respectivamente, entregaron ao xefe interino da Comandancia da Garda Civil de Pontevedra, o tenente coronel Manuel Touceda, unha metopa institucional.
A entrega realizárona en sinal de agradecemento do colectivo de gardas rurais, nas súas distintas especialidades, polo labor formativo e de coordinación que vén desenvolvendo co sector da seguridade privada na comandancia pontevedresa.