A Xunta licita as obras de mellora de firme en distintas estradas autonómicas
Por Redacción
A Consellería de Infraestruturas e Mobilidade publica este mércores na Plataforma de Contratos de Galicia a licitación das obras de mellora do firme en distintas estradas autonómicas na comarca de Pontevedra.
As empresas interesadas na execución deste contrato poderán presentar as súas ofertas ata o vindeiro día 1 de xullo. O proxecto ten por obxecto a rehabilitación de firme naqueles puntos nos que a capa de rodadura presente carencias ou se atope deteriorada, coa finalidade de reforzar e mellorar a seguridade viaria e a comodidade dos usuarios destas estradas.
Máis en detalle, na estrada PO-532, as obras comprenden o tramo entre a travesía de Pontevedra e a glorieta coa PO-542 en Marcón.
Tamén na PO-542, á altura de Marcón, estenderase unha nova capa de rodadura entre os puntos quilómetros 0+020 e 3+200, que coincide na glorieta coa PO-532.
Na estrada PO-313 entre San Tomé de Piñeiro e Broullón, puntos quilométricos 7 e 12, e en Quintela, dende o punto quilométrico 15+900 ata o 16+420, nos concellos de Moaña e Marín.
O obxectivo prioritario destas obras é conservar a rede viaria autonómica en óptimas condicións coa fin de incrementar a seguridade viaria e proporcionar aos usuarios unhas vías cómodas.