Pais e veciños opóñense ao peche da escola unitaria de Xil (Meaño)
Por Oskar Viéitez
Os pais dos alumnos da Escola unitaria de Xil, no concello de Meaño trasladaron a súa preocupación ante o anuncio da Consellería de Educación de que o curso que vén xa non abrirá as súas portas por falta de alumnos.
Este martes mantiveron unha xuntanza co Inspector de Ensino, José María Alén de la Torre na que lle pediron que se tivera en conta "o modelo educativo e organizativo" da escola que "despois de máis de 30 anos de bo funcionamento, dinamizou cultural e socialmente as nosas parroquias".
A comunidade educativa subliñou que a Escola de Xil "fomenta a aprendizaxe dos nenos por tanto o nivel educativo e máis elevado" e o mesmo tempo, axuda as familias en canto a horarios de traballo e demáis, posto que os alumnos viven preto da escola.
Entre os seus argumentos sinalaron que "no ano 2009 fíxose unha inversión elevada na renovación e reestructuración do edificio que co peche desta aula quedaría practicamente obsoleto e sen actividade algunha". Ademáis é o Concello quen asume os gastos de mantemento.
Lembraron que en anos anteriores o número de alumnos foi inferior ó presente e sen embargo permaneceu aberta, polo que pediron que "reconsideren a proposición de non suprimir a escola emitindo un novo informe o xefe territorial da Consellería de Educación e Ordenación Universitaria de Pontevedra".
Apoiando esta petición entregaron ao inspector un escrito con 266 sinaturas de veciños da parroquia solicitando a continuidade deste centro infantil de Xil. Asimesmo pediron unha entrevista ao Xefe territorial de Educación, César Pérez Ares.