O vento do nordés move as tellas
Por Redacción
O vento do nordés que soprou con forza durante este mércores provocou a caída dalgunhas tellas nun edificio da rúa Manuel Quiroga.
Os Bombeiros de Pontevedra revisaron o estado dos tellados dos inmobles da zona nunha tarefa para a que foi necesario o uso do camión escaleira. Sucedeu sobre a unha da tarde do mércores e os traballos chamaron a atención dos transeúntes.
Afortunadamente o desprendemento non provocou danos persoais.
Segundo a previsión de Meteogalicia este xoves as Rías Baixas quedan na influencia das altas presións que van entrando dende as Azores con réxime de ventos do nordés. Así, agárdase unha xornada de ceos pouco anubrados ou despexados en xeral. As temperaturas mínimas descenderán lixeiramente e as máximas experimentarán lixeiros ascensos. O vento soprará moderado do nordés con intervalos fortes no litoral.
Agárdanse poucos cambios para o venres. Únicamente que amainarán os ventos para ser frouxos en xeral, con intervalos moderados no litoral.