A Feira Franca, declarada Festa de interese turístico de Galicia
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/b9b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/543400ed27-feira-1.jpg)
CC BY-NC-SA Juan Mejuto
![](/web/cache/scene/uploads/fotos/foto/3d2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/543401553b-feira-2.jpg)
CC BY-NC-SA Juan Mejuto
O Consello da Xunta aprobou este xoves a declaración de Festa de interese turístico de Galicia para a Feira Franca.
A comisión de valoración tivo en conta requisitos como a antigüidade, a singularidade e orixinalidade, o valor cultural e o arraigamento cultural. Segundo a Xunta "esta celebración rexistra anualmente unha alta participación tanto dos veciños como dos turistas ataviados con vestimentas da época e respectando en todo o posible a estética do período recreado".
A festa remóntase á recreación do privilexio concedido polo rei Henrique IV no ano 1497, en virtude do cal se autorizaba a celebración dun mercado libre de impostos durante un mes. Esta concesión prolongouse ata finais do século XVI. A posta en marcha da recreación data do ano 2000.
O Consello da Xunta tamén aprobou a declaración de festa de interese turístico de Galicia para a Festa da Merluza do Pincho de Celeiro e mais para a Romaría da Tortilla de Laro, en Silleda.
Con estas novas declaracións, a Comunidade conta xa con 87 festas de interese turístico de Galicia, as que hai que engadir as 13 festas coa declaración de interese turístico nacional e as 6 co distintivo de festa de interese turístico internacional.
Relacionadas:
-
A Feira Franca acollerá 265 'xantares e ceas' de particulares
Por Oskar Viéitez |
-
251 solicitudes para xantares e ceas na Feira Franca
Por Redacción |
-
Comeza o prazo de inscripción para participar na XIV Feira Franca: Non o deixes para o último día!
Por Alejandro Espiño |
-
Desde San Benitiño ata a Feira Franca todo será festa en Pontevedra
Por Alejandro Espiño |
-
Os inventos da época, temática elixida para a XIV Feira Franca
Por Alejandro Espiño |