Identifican dous varóns en Meaño por unha queima agrícola de grandes dimensións que provocou un incendio forestal
Por Redacción
Axentes da Policía Autonómica e axentes forestais veñen de esclarecer un incendio no Concello de Meaño.
Os axentes identificaron dous varóns como presuntos autores dun incendio forestal ocorrido o pasado 3 de marzo na parroquia de Covas.
O incendio orixinouse cando os investigados realizaban unha queima de restos agrícolas, plásticos e útiles domésticos de grandes dimensións sen adoptar medidas de seguridade.
Como resultado, o lume afectou 0,08 hectáreas de arborado. As dilixencias foron remitidas ao xulgado de primeira instancia e instrución de Cambados.
Na actual campaña contra os incendios forestais do 2019, un total de 31 persoas foron investigadas pola Policía da Xunta de Galicia, como presuntas autoras de incendios forestais.