Este luns córtase a rúa Padre Avelino en Campelo, que afectará ao tráfico con destino á Praza da Granxa
Por Redacción
Este luns 8 de abril, a partir das 08.00 horas, a Policía Local de Poio cortará a circulación na rúa Padre Avelino no lugar de Campelo, na parroquia de San Xoan de Poio.
O corte afectará os dous carrís de circulación da vía, desde o porto de Campelo ata a praza da Granxa. Unicamente vai permitirse a circulación dos residentes nesa contorna.
A obra está previsto que se realice en dous tramos. No primeiro van acometerse traballos desde o porto ata a carnicería situada nas proximidades. O segundo tramo abordarase desde a carnicería ata a praza da Granxa.