Un incendio calcina unha nave do Porto do Grove
Por Redacción
No porto de O Grove declarouse a primeira hora da mañá un incendio nunha das naves que Costas habilitou como almacén para os mariñeiros.
Os Bombeiros do Salnés lograron con éxito que as chamas non alcanzasen ao resto das instalacións colindantes, e en media hora, ás 8,15 da mañá, o lume xa estaba controlado.
Non obstante o traballo non foi sinxelo. Os bombeiros destacaron que no interior do recinto incendiado estaban amoreados con gran desorde redes, tramallos, combustibles, gasóleo e bombonas.
Gamberradas varias
- na sede da policía de Cambados
Cando a policía local de Cambados chegou hoxe ás sete da mañá á súa sede atopouse cunha bolsa humeante na entrada e parte da porta calcinada. Os axentes atribúen o episodio a unha gamberrada.
- e en Santa Cristina de Cobres
A Casa dos Montes de Santa Cristina de Cobres tamén sufriu un acto de vandalismo. Uns descoñecidos provocaron danos nas persianas da fachada norte do local social. Concretamente en dúas ventás situadas lonxe da entrada as que lanzaron entre outros obxectos, tellas, pedras e botellas.
Estes feitos que foron denunciados ante a Garda Civil de Moaña, ainda non foron valorados pola aseguradora contratada pola Comunidade de Montes.