VIDEO.- Acordoan un edificio da rúa Riestra pola caída de cascallos
Por Redacción
O edificio número 36 da rúa Marqués de Riestra foi acordoado pola Policía Local de Pontevedra tras desprenderse algúns elementos da súa fachada.
A caída de cascallos non alcanzou a ningunha persoa aínda que os restos caeron sobre o espazo no que se instala a terraza dunha hamburguesería que nese momento estaba pechada.
Os bombeiros acudiron ao lugar para inspeccionar a fachada e asegurar a zona. Co camión escaleira revisaron con especial coidado o balcón da terceira planta.