Investimento de 152.000 euros para mellorar o centro de día de Sanxenxo
Por Redacción
O Concello de Sanxenxo explicou un importante investimento destinado ao centro de día da localidade, o "único centro de día municipal de toda Galicia".
Así o defendeu o alcalde, Telmo Martín, nunha visita ás instalacións acompañado da concelleira de Servizos Sociais, Silvia Freire.
En total as melloras cífranse en 152.000 euros no edificio como o pintado, adaptación dun aseo, reparación de carpintería, colocación dun sistema de ventilación ou a instalación de alarma contra incendios e elaboración dun plan de evacuación, entre outras actuacións.
Ademais dotarase aos traballadores do centro dun novo vehículo para poder realizar o seu labor.
"O Concello gasta 1,5 millóns de euros en política social anualmente, unha media de 84 euros por habitante, moi por encima do gasto que teñen cidades tan importantes como Vigo ou Pontevedra", sinalou Martín.
Actualmente o centro de día de Sanxenxo conta con 67 usuarios das 80 prazas dispoñibles e o seu mantemento supón un desembolso anual de aproximadamente 250.000 euros.