O Rotary Club de Pontevedra premia á Asociación Zona Monumental
Por Redacción
O Rotary Club de Pontevedra entregará o próximo sábado 1 de xuño o Premio Servir 2013 á Asociación Centro Comercial Urbano - Zona Monumental polo labor que veu desenvolvendo social e empresarialmente.
Este premio chega á súa décimo oitava edición e o evento realizarase no Salón Nobre do Liceo Casino a partir das 21:30 horas. A entrega do Premio Servir enmárcase dentro dos obxectivos do club rotario de apoiar as entidades benéficas da cidade.
O importe para poder asistir á cea é de 35 euros por persoa que, en parte, irán destinados á institución benéfico social Cáritas Interparroquial de Pontevedra coa intención de apoiar esta organización no labor social que vén desenvolvendo a favor das persoas máis desfavorecidas.
Os convites para asistir á cea, poden ser retirados na secretaría do Liceo Casino en horario de 9:00 a 14:00 e 17:00 a 19:00, ou ben a través dos teléfonos 606.446.636 (Presidente-José Rodriguez Cadarso) ou 616.825444 (Secretaria - Luisa De Castro).