2019 comezará con obras en Lepanto: a súa reforma integral, en marcha
Por Alejandro Espiño
A reforma integral da rúa Lepanto xa ten data. O Concello prevé que as obras comecen o próximo mes de xaneiro. Saen a licitación por un custo de 256.505 euros e as obras terán un prazo de execución de catro meses.
O portavoz do goberno municipal, Raimundo González, explicou que as empresas interesadas en executar esta obra terán vinte días naturais para presentar as súas ofertas.
Lepanto pasará a ser unha rúa con plataforma única e sen as prazas de aparcadoiro. Instalarase pavimento de lastro confinado en bandas de formigón, un aspecto similar ao que ten a Praza de España ou o tramo peonalizado en Benito Corbal.
A actuación prevista inclúe, no tramo máis próximo a Benito Corbal, a creación dunha pequena praza que aproveitará o espazo existente á beira da antiga delegación da Xunta de Galicia. Neste novo espazo, colocaranse tres bancos de cor granate e plantaranse varias árbores. Haberá, ademais, un aparcadoiro para bicicletas.
Ademais, aproveitando esta reforma tamén se renovarán todos os servizos de saneamento, augas pluviais e fecais e abastecemento. Reforzarase a iluminación en toda a rúa, que xa conta con tecnoloxía LED, e engadiranse novos puntos de luz na praza de nova creación.
En total, o ámbito de actuación será de 1.351 metros cadrados.
Como melloras, as empresas licitantes poderán ofertar a renovación de oito puntos de luz, que terían un aspecto diferente ao actual; e a pavimentación do cruzamento con San Antoniño.
As obras executaranse simultaneamente coa reforma de Benito Corbal, entre a Praza do Hospital e Sagasta. Búscase así, segundo o Concello, minimizar as molestias aos veciños e aos comerciantes do barrio, ao evitar ter cortada a zona durante máis tempo.
Relacionadas:
-
Adxudican por 183.401 euros as obras para a reforma integral da rúa Lepanto
Por Natalia Puga |
-
Un total de 19 empresas optan a reformar a rúa Lepanto a comezos de 2019
Por Redacción |
-
O Concello explica aos veciños de Lepanto o proxecto de reforma integral da rúa
Por Redacción |
-
A reforma urbana chegará á rúa Rouco a principios de 2019
Por Alejandro Espiño |
-
Veciños de Lepanto reparan a rúa e decláranse "república independente" ante o abandono do Concello
Por Anxo Lourido |
-
As obras de reforma de Lepanto comezarán antes de que remate o ano
Por Alejandro Espiño |
-
Unha pequena praza no cruzamento con Benito Corbal completará a reforma de Lepanto
Por Alejandro Espiño |
-
Lepanto terá plataforma única e tráfico limitado a residentes e servizos
Por Alejandro Espiño |