O PP anima os pontevedreses a amosar a bandeira española nos seus balcóns
Por Alejandro Espiño
'España no teu balcón'. É o nome da campaña que, para a festividade do 12 de outubro, puxo en marcha o Partido Popular a nivel nacional. Trátase de animar a todos os cidadáns para que colguen a bandeira española nas súas casas e que, segundo os populares "represéntanos a todos".
No caso de Pontevedra, a campaña arrancou cunha exhibición simbólica da bandeira nacional que o presidente e a secretaria xeral do PP local, Rafa Domínguez e Pepa Pardo, protagonizaron ante a sede dos populares, situada na rúa Palamios.
Esta iniciativa, que foi presentada nas últimas horas en Madrid, defende lucir a bandeira española en xanelas e balcóns e facelo "orgullosos" e "sen importar o partido" ao que pertenza cada un dos españois.
A campaña ten en redes sociais a etiqueta #EspañaEnTuBalcón e é similar á que se lanzou o pasado ano, coincidindo co Día da Hispanidade, en resposta ao movemento independentista en Cataluña e a colocación de lazos amarelos.
Desde o PP lembraron que Pablo Casado "aspira a liderar" esa "España dos balcóns" que saíu á rúa en Cataluña hai agora un ano para defender a unidade de España.