O parking do porto ofrecerá dúas horas gratis aos veciños de Sanxenxo
Por Redacción
O goberno local quere aumentar dunha a dúas horas gratis o aparcadoiro no porto deportivo aos veciños de Sanxenxo que paguen o imposto de vehículos neste Concello.
Ao longo mes de outubro entrará en vigor a medida, xa que require dun tempo para a súa posta en marcha.
Segundo explicaron, hai que meter no computador os datos das matrículas de todos os vehículos que pagan o imposto en Sanxenxo e tamén levala ao Consello de Nauta.
As persoas de fóra do Concello de Sanxenxo seguirán gozando da primeira hora gratis de aparcadoiro como ata agora. É unha medida que se puxo en marcha coa inauguración do parking para dinamizar a actividade económica Sanxenxo nos meses da tempada baixa.