ESO, Bacharelato e ensinos especiais inician o curso con máis de 50.000 alumnos na provincia
Por Redacción
Os alumnos e alumnas do Ensino Secundario Obrigatorio (ESO), Bacharelato e ensinos en réxime especial están convocados este luns 17 de setembro para iniciar un novo curso.
Na provincia de Pontevedra volverán ás aulas 51.168 estudantes repartidos entre os centros públicos, concertados e privados, a falta de que se peche a matriculación nos centros de Formación Profesional.
Onde regresarán máis alumnos ás clases será na ESO, con 35.989 estudantes, dos cales 24.370 están matriculados en centros públicos, 10.678 en concertados e 941 en centros de ensino privado.
En Bacharelato serán pola súa banda 11.521 os estudantes inscritos en toda a provincia, 9.643 en centros públicos e 1.878 en privados.
Por último 3.658 son as persoas matriculadas en ensinos en réxime especial (adultos, artísticas ou deportivas).
Por municipios, Pontevedra encabeza os números na comarca coa seguinte repartición:
MUNICIPIO | ESO | BACHARELATO |
Pontevedra | 3.890 | 1.607 |
Vilagarcía | 1.432 | 537 |
A Illa | 185 | |
Barro | 97 | |
Bueu | 390 | 90 |
Caldas | 431 | 271 |
Cambados | 690 | 240 |
Cerdedo-Cotobade | 85 | |
Cuntis | 108 | |
Marín | 917 | 314 |
Meaño | 187 | |
Meis | 149 | |
Moraña | 141 | |
O Grove | 421 | 103 |
Poio | 544 | 183 |
Ponte Caldelas | 234 | 56 |
Portas | 110 | |
Ribadumia | 163 | |
Sanxenxo | 659 | 198 |
Vilaboa | 180 | |
Vilanoa de Arousa | 377 | 163 |