O PSOE pide máis atención aos parques públicos de Monte Porreiro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O estado dos parques públicos de Monte Porreiro motivou as críticas do grupo municipal do Partido Socialista en Pontevedra.
Tino Fernández asegura que "vir a un parque a Monte Porreiro é como viaxar para atrás no tempo polo menos 30 anos", criticando o que entende como estado de abandono destas zonas públicas no barrio.
Os socialistas afirman que non se está investindo en Monte Porreiro en proporción á súa poboación e as súas necesidades, con parques infantís que non contan con chan acolchado ou que se atopan en mal estado.
Entre as zonas sinaladas por Fernández atópanse a zona verde do Mirador ou a Praza de Europa e os parques das rúas Reino Unido e Portugal.
"Mentres no centro deséñanse parques de ultima xeración, o que está moi ben, en Monte Porreiro imos con varias xeracións de atraso", criticou o portavoz do PSOE.