Ferido leve un ciclista tras ser atropelado na rotonda do Nó do Pino
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Arredor das 11 da mañá, un turismo atropelaba un ciclista no ámbito da rotonda do Nó do Pino nas proximidades da Avenida de Vigo, segundo informaba o servizo de emerxencias do 112.
O home de 50 anos foi trasladado por unha ambulancia do 061 a un centro hospitalario para ser tratado das contusións sufridas que, inicialmente, non parecían graves.
Ata a zona do accidente trasladáronse axentes da Policía local e membros de Protección Civil de Pontevedra.