Os parrulos xa teñen casa en Lourido
Por Redacción
O parque de Costa Giráldez conta xa con casetas de protección para os parrulos que se atopan nesta contorna. A tenente de alcalde de Poio, Chelo Besada, mostraba a súa satisfacción por estes refuxios que permitirán que estas aves non sexan atacadas por outros animais.
Ademais, nesta zona de Lourido tamén se acometen traballos de acondicionamento como limpeza dos regachos. Por outra banda, concluíu o hormigonado e o acondicionamento do camiño do Mato, que conflúe neste parque.
Os traballos foron realizados por operarios municipais. Besada sinala que, despois do verán, levarán a cabo os traballos de mellora das tarimas e senllas situadas nas proximidades dos quioscos.