Salvamento remolca a Marín un pesqueiro que quedou á deriva ao oeste de Ons
Por Redacción
A embarcación Salvamar Sargadelos de Salvamento Marítimo rescatou arredor das 23.00 horas deste xoves un pesqueiro que quedara sen goberno ao oeste da Illa de Ons.
Segundo confirmaron fontes do Centro de Coordinación de Salvamento de Fisterra, a embarcación en cuestión é o pesqueiro Mar Aberto e a bordo deste ían dous tripulantes. Alertaron de que sufriran un fallo mecánico e requiriron a asistencia dun remolcador.
A Salvamar Sargadelos acudiu ao lugar no que se encontraban á deriva e os remolcou ao porto de Marín sen maiores complicacións. Chegou á dársena sobre as 2.00 horas da madrugada.