Medio milleiro de palilleiras participarán no encontro de Marín
Por Redacción
O próximo 24 de setembro, como cada ano terá lugar o encontro de palilleiras en Marín. A esta cita acoden máis de 500 persoas de distintos sitios de Galicia, para dar a coñecer e expoñer os seus traballos.
Esta concentración terá lugar no pavillón Illa de Tambo. Este ano as organizadoras amosaron a súa satisfacción xa que mesmo tiveron que deixar fóra a grupos de palilleras que querían participar no evento.
CHALECOS REFLECTORES
Por outra banda, as escolas infantís de Marín de 0 a 3 anos, que son a Galiña Azul de San Pedro e a de Seixo, solicitaron ao Concello, chalecos reflectores para garantir a seguridade viaria nas saídas programadas polos centros. A concelleira Marián Sanmartín, fíxolles entrega de 50 chalecos a cada centro para tal fin.
Coincidindo co comezo do curso escolar, desde o Concello de Marín, procedeuse á limpeza e arranxo das marquesiñas, recolocación das tellas, roza e a limpeza da contorna destes elementos situados sobre todo no rural.