Iluminación led para a praza do Corgo
Por Redacción
Os operarios municipais do Grove retiraron o palco da praza do Corgo para mellorar a imaxe desta zona.
Os traballos céntranse en corrixir as baldosas e o pavimento en mal estado, ademais de cambiar as luminarias.
Do mesmo xeito que se está facendo noutros puntos do municipio, o goberno local leva a cabo esta substitución da iluminación anterior por outras tipo led para mellorar en calidade lumínica e aforrar en enerxía eléctrica.
As obras, que sufraga o Concello do Grove, continuarán noutras zonas do centro da vila co obxectivo de mellorar a imaxe dos lugares máis significativos.