![](/web/cache/scene/uploads/fotos/foto/394/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/597d904a56-santa-ana-muro-3-.jpg)
© Concello de Ponte Caldelas
Constrúen un muro de contención para facilitar o paso de vehículos en Santana
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Ponte Caldelas acaba de executar as obras dun muro de contención que serve para consolidar o terreo no bordo dunha pista municipal no barrio de Santana, en Buchabade, unha actuación que responde a unha petición veciñal e coa que se facilita o paso de vehículos e se resolve o problema dunha finca particular.
Esta obra forma parte do plan de actuacións que o goberno local está a desenvolver por todo o municipio atendendo peticións veciñais. Segundo explicou o Concello a través dun comunicado, estaba sendo demandada dende hai moito tempo e o actual equipo de goberno decidiu buscar unha solución.
O alcalde, Andrés Diaz, visitou as obras de execución do muro de contención e tamén aproveitou para subliñar que todas as peticións xustificadas están a ser atendidas progresivamente.
O rexedor recorda que no Concello de Ponte Caldelas as pequenas obras se pactan e se acordan nas asembleas que o goberno local celebra cos habitantes en cada un dos 33 núcleos de poboación, "sen ningún tipo de intermediarios ou conseguidores", con diálogo directo entre os veciños e os seus representantes municipais.