A Comisaría incorpora nove novos policías en prácticas
Por Redacción
O persoal da Policía Nacional en Pontevedra recibiu este xoves nove novas incorporacións. Trátase de alumnos procedentes da Escola de Ávila que completarán o seu período de aprendizaxe coa realización de prácticas na Comisaría Provincial.
Os nove alumnos proceden de distintos puntos de España, pero, fundamentalmente, de Galicia e pemanecerán na Comisaría entre este xoves e maio de 2018.
Durante os meses que permanezan no persoal, realizarán diferentes tarefas policiais nas que serán supervisados polos responsables das diferentes unidades da Comisaría.
Para darlles a benvida, este xoves reuníronse co comisario xefe provincial, Manuel Bouzas Canosa, e os diferentes mandos da Comisaría Provincial e xefes das distintas brigadas polas que irán pasando ata completar a súa formación.