Adif fará en Pontevedra un simulacro dun accidente como o de Angrois
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O Administrador de Infraestruturas Ferroviarias (ADIF) fará un simulacro na estación de trens de Pontevedra dun accidente ferroviario como o de Angrois.
Este simulacro de emerxencia, organizado por ADIF en colaboración co grupo RENFE, servirá para consolidar a formación dos equipos de intervención, verificar os procedementos de actuación e avaliar a coordinación entre as institucións participantes.
O exercicio consistirá nun descarrilamento de tren á saída da estación de Pontevedra e o incendio no coche de viaxeiros.
Segundo desvelou a concelleira de Seguridade Cidadá, Carme da Silva, o simulacro desenvolverase na noite do martes 20 ao mércores 21 de xuño.