O Gran Garaxe comeza unha nova etapa como establecemento comercial dunha cadea de moda
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/7a5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/590cf27531-20170505-patxot-mango-005.jpg)
© Mónica Patxot
![](/web/cache/scene/uploads/fotos/foto/dfe/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/590d7f4569-20170505-patxot-mango-007.jpg)
© Mónica Patxot
O número 8 da rúa Benito Corbal, un espazo emblemático onde durante décadas atopábase o aparcadoiro coñecido como Gran Garaxe, recobrou a súa actividade convertido agora nun establecemento de Mango, unha coñecida tenda de roupa da entidade catalá Punto Fa.
Na tarde deste venres abría as súas portas neste espazo que mantén a fachada de estilo modernista, que data da segunda década do século XX, tal e como obrigaba Patrimonio.
Esa fachada agora aparece pintada de cor branca con cristaleiras que permiten ver o interior do local comercial, que conta con 650 metros cadrados de superficie nunha única planta dotada dunha nova estrutura, segundo información da propia empresa.
O 12 de setembro de 2016, o goberno local concedía a licenza municipal para acometer as obras de rehabilitación deste edificio establecendo o prazo dun ano para que finalizasen e iniciásese a actividade comercial.
Oito meses máis tarde, a cadea abriu o establecemento onde se venden coleccións para muller e nenos con gran afluencia de público .