Ferido un ciclista atropelado por un camión de bombonas en Marín
Por Redacción
Un ciclista resultou ferido este venres e tivo que ser trasladado en ambulancia ao Hospital Montecelo para recibir asistencia sanitaria polas feridas sufridas durante un atropelo en Marín.
Segundo informou o Centro de Atención de Emerxencias de Galicia 112, o ciclista foi arroiado por un camión que transportaba bombonas na rotonda do porto de Marín.
O accidente non xerou ningún perigo na zona. Segundo o 112, a carga do camión, destinada a almacenar gas butano, atopábase en perfectas condicións tras o accidente.
O transportista alertou ao 112 do sucedido sobre as 13.20 horas e o Centro de Atención ás Emerxencias trasladou o aviso a Urxencias Médicas, á Policía Local, á Garda Civil de Tráfico e aos Bombeiros do Morrazo.