Fomento garante que a A-57 chegará ata Curro
Por Alejandro Espiño
A autovía A-57, cuxo primeiro tramo está en construción, enlazará coa autovía do Salnés en Curro (Barro). Así o garante o Ministerio de Fomento, segundo trasladou este mércores o Concello de Pontevedra, tras a substitución da pontevedresa Ana Pastor por Íñigo de la Serna á fronte desta carteira.
Técnicos da demarcación provincial de Estradas do Estado confirmárono nunha reunión que mantiveron co alcalde, Miguel Anxo Fernández Lores, e o concelleiro de Infraestruturas, César Mosquera.
Esta continuidade era unha petición expresa de Pontevedra, ao entender que unicamente co tramo en execución, entre Vilaboa e A Ermida, a autovía non tería sentido como circunvalación da cidade.
Fomento explicou que as obras da A-57 van "segundo o previsto" e, engadiu Mosquera, están a realizarse con "lentitude" pola petición do Concello de ser "moi coidadosos" coas afeccións que poidan provocar as obras na zona, especialmente na Fracha.
A previsión é que este tramo de 6,5 quilómetros, nos que se invisten 74 millóns de euros, estea terminado a finais de 2018 ou principios de 2019, segundo os cálculos de Fomento.
O segundo tramo da A-57, que unirá A Ermida con Pilarteiros (Xeve), sairá a exposición pública "nun meses", asegurou o edil do BNG. É o paso previo a iniciar as expropiacións e a consecuente licitación da obra, que esperan que se produza ao longo de 2018.
Máis atrasado está o tramo que completaría os 21 quilómetros de autovía, entre Pilarteiros e Curro (Barro). César Mosquera explicou que Fomento aceptou as alegacións presentadas con respecto á conexión da A-57 co macronó de Curro e a autovía do Salnés. Actualmente estase tramitando a declaración de impacto ambiental.
Relacionadas:
-
Barro logra un compromiso da Xunta para pedir o cambio de trazado do enlace da A-57 en Curro
Por Redacción |
-
Barro defende ante o Estado un cambio de trazado para o enlace da A-57 en Curro
Por Redacción |
-
Barro insiste en cambiar o trazado do treito final da A-57
Por Redacción |
-
A A-57 entre Pilarteiros e Barro xa ten declaración de impacto ambiental
Por Alejandro Espiño |
-
18 millóns para a A-57, principal aposta de Fomento para Pontevedra en 2017
Por Alejandro Espiño |
-
En Marea acusa o Goberno de "intentar vender" a A-57 como unha "sucesión de circunvalacións"
Por Alejandro Espiño |
-
En Marea reclamará información sobre as obras da autovía A-57
Por Oskar Viéitez |
-
A reforma do Nó de Bombeiros ascenderá a cinco millóns de euros
Por Alejandro Espiño |
-
Preocupación entre os veciños de Bora pola autovía A-57
Por Oskar Viéitez |
-
En Marea pedirá no Senado a paralización "inmediata e definitiva" da A-57 e que se libere de peaxe a AP-9
Por Diego Espiño |
-
Pontevedra e Barro reciben o proxecto reformado da A-57 entre Pilarteiros e Curro
Por Oskar Viéitez |