Detéñeno por 14 roubos, ingresa en prisión e, en canto sae, volve delinquir
Por Redacción
A colaboración cidadá axudou á Policía Nacional da Comisaría de Vilagarcía de Arousa a deter un veciño desta localidade de 37 anos como presunto autor de dous delitos de roubo en interior de vehículo.
O home ten antecedentes policiais por delitos similares. No ano 2014 foi detido ata 14 veces por roubos, pero o seu historial delituoso detívose nos últimos meses debido á súa estancia en prisión. Nos últimos días quedou en liberdade e, unha vez na rúa, volveu delinquir.
Os axentes sorprendérono in fraganti roubando no interior dun vehículo estacionado na vía pública grazas á chamada dun cidadán.
Ao detectar a presenza policial, saíu fuxindo á carreira, pero foi detido polos axentes, que observaron como arroxaba ao chan unha broca dun trade que presuntamente utilizaba para forzar os vehículos.