Sol e subida das temperaturas mínimas nunha semana que se prevé estable
Por Redacción
As altas presións dominarán meteoroloxicamente falando as Rías Baixas durante a semana que comeza, o que achegará estabilidade e moi baixa posibilidade de precipitacións.
Segundo o prognóstico de Meteogalicia a semana arranca con ceos "pouco anubrados ou despexados" e un lixeiro aumento das temperaturas mínimas, que durante luns e martes roldarán os 7 ou 8 graos. Pola súa banda a máximas serán agradables, de 17 graos.
Esta estabilidade manterase ao longo da semana, coa chegada de aire cálido desde o sur que fará subir as mínimas ata os 11 graos.
Polo demais serán días de "ceo despexado, con néboas no interior e temperaturas que contrastarán, xa que as madrugadas serán frías pero as tardes máis suaves".
Estes será previsiblemente así ata o domingo día 4, cando se poderían debilitar as altas presións dando paso a un aumento de nebulosidade, aínda que cunha "baixa posibilidade de precipitacións", sinala MeteoGalicia.