O PP quere parques infantís adaptados
Por Redacción
A concelleira do Partido Popular, María José Rodríguez, presentará unha moción no próximo pleno reivindicando que ningún escolar, independentemente das súas capacidades, se atope con barreiras que lle impidan gozar do seu tempo de lecer. Os populares queren trasladar ao pleno deste mes a reivindicación de María José Freire Franco, veciña da zona, que leva anos reclamando ao Concello a instalación de randeeiras adaptadas no parque de Barcelos.
Segundo a concelleira popular, o BNG leva preto de tres anos prometendo a instalación de carrandiolas adaptadas sen que se fixera realidade. A formación que encabeza Jacobo Moreira lembra que desde a Xunta de Galicia establece que os parques infantís serán accesibles para os menores discapacitados.
Por este motivo, o PP solicita ao goberno de Lores a instalación de randeeiras adaptadas tanto en Barcelos e que fagan esta medida extensiva aos demais parques infantís de Pontevedra.
Ao mesmo tempo, esixirán a revisión destes espazos para eliminar todos os elementos que dificulten o acceso dos escolares.
Relacionadas:
-
O parque de Barcelos disporá dun carrusel para nenos en cadeira de rodas
Por Oskar Viéitez |
-
Os plenos, ao venres?
Por Alejandro Espiño |
-
O PSOE quere parques infantís adaptados para todas as idades
Por Redacción |
-
Recollen sinaturas para reivindicar randeeiras adaptadas para todos os nenos en Barcelos
Por Natalia Puga & Mónica Patxot |