Un motorista resulta ferido tras chocar cun autobús de transporte escolar en Salcedo
Por Redacción
Un motorista sufriu lesións de diversa consideración despois de chocar contra un autobús en Pontevedra.
Sucedeu ás nove da mañá deste xoves na parroquia de Salcedo.
O autocar, de transporte escolar, ía baleiro no momento do accidente e só o condutor da moto necesitou asistencia médica.
Unha persoa particular alertou ao persoal do 112 Galicia que, deseguido, avisou a Urxencias Médicas, aos axentes da Policía Local e aos Bombeiros de Pontevedra.