As choivas de sábado e domingo darán paso a unha semana de influencia anticiclónica
Por Redacción
Despois de dúas xornadas grises con choivas importantes, sobre todo durante a noite do sábado, as Rías Baixas despediranse da borrasca co inicio da semana.
As nubes e os claros serán protagonistas durante os dous primeiros días da semana, con posibilidade dalgún chuvasco illado, pero lonxe do vivido durante a fin de semana.
Tras ese período, a entrada de altas presións augura unha semana seca e asollada, segundo as previsións de Meteogalicia.
A partir do mércores o anticiclón farase forte, polo que a posibilidade de choiva será "moi baixa", esperándose ceos despexados e temperaturas "moi agradables nas horas centrais do día", chegando aos 23 e 24 graos. Pola súa banda as mínimas "irán baixando polas noites" dos 16 ata os 12 graos.
A situación de estabilidade meteorolóxica manterase, polo momento, ata o vindeiro domingo 30 de outubro.