Catro persoas resultan feridas nunha colisión en Sanxenxo
Por Redacción
Unha colisión entre dous turismo saldouse con catro persoas feridas, unha delas menor. O accidente rexistrábase ao redor das 20.15 horas en Vilalonga, na estrada PO-504 cara a Sanxenxo á altura Gondar.
Segundo a información facilitada polo servizo de Emerxencias 112 Galicia, un particular alertou do sinistro. Desde o Centro de Atención ás Emerxencias alertaron a Urxencias Médicas e aos Bombeiros do Salnés. Tamén se informou ao GES de Sanxenxo, á Policía Local e á Garda Civil de Tráfico.
Os feridos foron trasladados polo 061 a un centro hospitalario. Segundo sinalan desde Emerxencias Sanxenxo, a pesar do aparatoso do accidente, os feridos sufrían contusións de carácter leve.