Acto lúdico de Boa Vida para reivindicar a loita contra a pobreza na cidade
Por Redacción
Por sexto ano consecutivo, a asociación Boa Vida reclamará nun acto que se desenvolverá na praza da Ferrería propostas para loitar contra a pobreza na cidade e denunciar, ao mesmo tempo, as repercusións que as políticas internacionais teñen no día a día.
Este ano, o acto celebrarase o vindeiro sábado 15 de outubro ás 12.00 horas e contará cos músicos do grupo teatral Migallas, que ofrecerán temas do seu novo disco.
Ademais instalaranse mesas informativas nas que estarán presentes representantes das Marchas da dignidade; Amarante, con información sobre comercio xusto e Voluntarios da parroquia de Monte Porreiro con datos sobre o traballo decente.
Os voluntarios do colectivo Boa Vida preguntarán á cidadanía que accións desenvolveron durante o último ano na loita contra a pobreza e darán a coñecer as intervencións da asociación como prestar un local para realizar talleres de reciclaxe, denunciar as situacións de inxustiza.