Falece a centenaria da parroquia de Salcedo
Por Redacción
Elvira Agulla Martínez, máis coñecida como a centenaria de Salcedo, falecía nas últimas horas. Esta veciña pontevedresa cumpría 101 anos en xaneiro deste ano.
Á festa de celebración asistira o alcalde de Pontevedra, Miguel Anxo Fernández Lores, para agasallala cun ramo de flores e xuntos apagaran as velas.
O funeral está previsto na igrexa parroquial de San Martín de Salcedo este xoves ás 17.00 horas desta tarde e o enterro terá lugar no cemiterio desa mesma parroquia.