Pontevedra e O Salnés unen as súas forzas para potenciar as Rías Baixas como destino turístico
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Deixar atrás os localismos e apostar por unha posta en valor conxunta dos atractivos turísticos das Rías Baixas. É un dos principais obxectivos da colaboración que puxeron en marcha o Concello de Pontevedra e a Mancomunidade do Salnés.
Trátase, segundo destacaron os alcaldes de Pontevedra e Sanxenxo, dun traballo conxunto que nace con "vocación de continuidade" e que buscará aproveitar as sinerxías de ambas as zonas e desestacionalizar a chegada de turistas ás Rías Baixas.
Ambos os rexedores destacaron que a gastronomía, o patrimonio cultural, a natureza, as actividades deportivas e náuticas ou o Camiño Portugués a Santiago son elementos "diferenciados e de calidade" que fan do eixo Pontevedra - O Salnés un destino "único".
Visitas recentes de operadores de turismo rusos e británicos, a chegada en outubro dunha próxima delegación vinculada ao Camiño Portugués ou dunha delegación turístico-comercial de Hong Kong en novembro son as primeiras accións que se inclúen nesta colaboración.
"Poñemos as bases para unha relación necesaria", sinalou Fernández Lores, que leve á xente que visita as Rías Baixas para "quedar con ganas de volver" e que se vaian coa idea de que "este é un sitio distinto porque temos sol, patrimonio cultural, etnográfico e natural ou unha boa gastronomía".