Unha pick-up para a agrupación de Protección Civil de Marín
Por Redacción
A Vicepresidencia da Xunta de Galicia resolveu a adxudicación de vehículos de intervención rápida e de vehículos útiles para o labor que desenvolven as agrupacións locais de Protección Civil. Este colectivo de voluntarios de Marín conta, grazas a esta iniciativa, cun novo vehículo, unha furgoneta pick-up coa que estes efectivos poderán trasladar o material de emerxencias e seguridade.
Segundo o Concello de Marín, a mellora é significativa dada a carencia de medios cos que conta esta agrupación para afrontar as intervencións para os que son requiridos.
Os voluntarios de Protección Civil participan en todos os dispositivos de seguridade programados durante todo o ano no municipio e demandaban material adecuado ás actuacións que desempeñan.
A sede desta agrupación en Marín atópase situada nunha das casiñas do parque de Briz desde onde organizan as súas actividades.