A praia de Mogor 'mergúllase' no océano
Por Redacción
Os bañistas que se achegaron esta fin de semana á praia marinese de Mogor atopáronse unha sorpresa, a instalación do Programa de Divulgación Científica Mariña 'Mergúllate no Océano', que promove o Campus de Excelencia Internacional Campus do Mar, lidera a Universidade de Vigo e promoven as tres universidades galegas, CSIC e IEO.
O obxectivo de 'Mergúllate no océano' é achegar a ciencia e a tecnoloxía mariña á cidadanía, desde nenos a adultos,
O prograna contén oito talleres divulgativos que, a través de sinxelos experimentos, simulacións e xogos, permiten coñecer mellor o océano e comprender a necesidade de levar un estilo de vida sustentable co medio mariño.
O bo tempo que encheu o areal marinense colaborou ao éxito de participación en 'Mergúllate no océano', programa no que participaron xa, no que vai de verán, máis de 3.000 persoas tras o seu paso polas praias de Samil en Vigo e a Madalena en Cedeira.