Sorprenden un mozo de 22 anos roubando nun almacén da rúa Alhóndiga
Por Redacción
Axentes da Policía Local de Pontevedra detiveron un mozo de 22 anos de idade ao que sorprenderon saíndo dun almacén da rúa Alhóndiga a altas horas da madrugada. Impútaselle un presunto delito de roubo con forza.
Os feitos sucederon contra as catro da madrugada do pasado 21 de xullo. Unha patrulla deste corpo policial, que se atopaba facendo tarefas de vixilancia na zona, observaron como deste almacén saía fuxindo unha persoa en dirección a Manuel Quiroga e outra cara a Praza de España.
O primeiro deles foi alcanzado na rúa Manuel Quiroga e o segundo non foi posible a súa localización.
Unha vez comprobado que o almacén tiña forzada a portada, os axentes da Policía Local procederon a detención desta persoa por un presunto delito de roubo con forza. Foi trasladado a dependencias policiais para a súa posta a disposición xudicial.
A rápida intervención da Policía Local evitou o roubo da mercadoría que había no almacén.