Última semana para solicitar espazos para xantares e postos de venda na Feira Franca
Por Redacción
A Oficina da Feira Franca pechará as súas portas este venres 15 e, desta forma, finalizará o prazo para tramitar as solicitudes de participación nos mercados de alimentación e artesanía, nas ceas e nas comidas medievais polo centro histórico, ademais das peticións por parte da hostalería.
Os interesados en presentar solicitudes teñen ata o venres ás 14.00 horas para formalizar a súa petición para reservar espazos nesta oficina situada no antigo edificio do Conservatorio, na rúa Alfonso XIII.
O teléfono de contacto é o 986 860 587.
A listaxe das persoas admitidas será publicada na web da Feira Franca a partir do 20 de xullo. A Feira Franca deste ano celebrarase os días 2 e 3 de setembro. A temática escollida para esta edición é a música.