Abren o prazo para solicitar axudas de emerxencia para material escolar
Por Redacción
A concellería de Benestar Social Municipal do Concello de Pontevedra ten aberto desde este mes de xullo as axudas de emerxencia social para material escolar destinado ao curso 2016/17. Trátase de axudas para escolares que cursen Educación Infantil.
As axudas destinaranse atendendo a criterios de axuda de emerxencia social e poderanse compatibilizar con outras de este mesmo departamento destinadas a outros conceptos.
O período de tramitación para solicitar este apoio económico finaliza o 31 de outubro.
A contía por escolar é de 100 euros e os elementos que se financian van desde roupa ou calzado a mochilas, libros ou cadernos.