A emigración, protagonista na nova festa gastronómica de Ponte Caldelas
Por Redacción
Ponte Caldelas acollerá o sábado 9 e o domingo 10 de xullo a I Festa Gastronómica da Emigración de Galicia.
Trátase dun evento que contará con propostas gastronómicas típicas de dez países relacionados coa emigración galega e que quere á súa vez homenaxear o pasado da vila, relacionada historicamente coa emigración como outras moitas partes da Comunidade.
A festa consistirá na instalación dunha vintena de postos na Alameda nos que cada hostaleiro preparará un prato representativo da gastronomía dun país.
O espazo central estará ocupado por mesas nas que gozar das diferentes especialidades culinarias a un prezo único de 5 euros, con bebida incluída.
Os bares e restaurantes participantes no evento son: A Ponte, Pulpeiro, A Fonte, Acuña, Parada, Mexicano, O Recanto, Verdugolandia, O Greco e Casa 501, todos eles de Ponte Caldelas, ademais dunha caseta do Concello dedicado á Festa da Troita e o Mesón Porteliña, de Poio.
O programa de actividades da I Festa da Emigración Galega complétase con animación musical, unha feira de artesanía e inchables para os pequenos durante a xornada do domingo.
Relacionadas:
-
A II Festa Gastronómica da Emigración, esta fin de semana en Ponte Caldelas
Por Redacción |
-
A Festa Gastronómica da Emigración tivo un impacto económico duns 75.000 euros
Por Redacción |
-
Ponte Caldelas prepara un bufet internacional en la Fiesta Gastronómica de la Emigración de Galicia
Por Redacción |