Viño, sardiñas e moita festa en Barro
Por Redacción
Unha sardiñada con viño de balde para os asistentes foi este domingo unha das actividades máis concurridas da xornada en Barro, pero tan só un exemplo da boa acollida que tivo ao longo de toda a fin de semana a 37 edición da Festa do Viño do municipio. Como cada ano dende hai máis de tres décadas, volveu ser un dos eventos máis importantes que se celebran na localidade.
Na edición deste ano tiveron un protagonismo especial os colleiteiros do concello, sen os cales esta festa non tería nacido, pero trátase dunha celebración pensada para a diversión de veciños de todas as idades, como demostra que a festa comenzase xa o xoves cunha tarde dedicada aos nenos con inchables e fútbol e a celebración do Xoves do Viño pola noite, no que actuaron dous grupos musicais, Noite Fechada e Son das Tabernas.
O principal punto de interese foi, como xa é habitual, o lugar onde se ubicaron as casetas de degustación dos viños das adegas do concello, pero este ano tamén houbo otras novidades que chamaron a atención dos asistentes, tales como o Túnel do Viño, no que se outorgou o Premio da Cata Popular. O primeiro premio foi para 'Tomada de Castro' e o segundo para 'Moraima Albariño'.
No XI certame viño albariño 'Rías Baixas' celebrado no marco da Festa do Viño de Barro este ano a adega gañadora do primeiro premio foi 'Pazo da Bouciña', quedando de segunda 'Moraima Albariño' e de terceira, 'Condes de Albarei'.
No apartado de viños de autor, os gañadores foron 'Casa Villadeamigo' en branco do país e albariño, Manuel Corredoira Touriño en tinto do país e Guadalupe González Casal en caíño. Os premiados foron, por categorías:
Branco País:
- Casa Villadeamigo
- María García López
- Carlos Riveiro Domínguez
- Ramón Martínez
Tinto País:
- Manuel Corredoira Touriño
- Manuel Cancela García
- José Silva Castro
- Casa Villadeamigo
- Ramón Martínez Vázquez
Caíño:
- Guadalupe González Casal Concello de Meis
- José Manuel Eirín García
- Casa Villadeamigo
- Manuel Cancela García
- José Chao Casa Amelia
- Mariló Rodríguez Ortigueira
Albariño:
- Casa Villadeamigo
- Casa Amelia
- Ramón Martínez Vázquez
- Casa da Viña Maderas
- José Manuel Eirín García
- José Chao
- Mariló Rodríguez Ortigueira