A Policía Local intensifica o control nos centros escolares
Por Redacción
A Policía Local de Pontevedra intensificou nos últimos meses o control sobre os centros escolares do municipio, dentro dun plan de actuación que busca fomentar a prevención de condutas como o absentismo escolar, acoso ou a formación de grupos violentos, ademais de erradicar a venda e consumo de drogas.
Os axentes municipais, dentro do dispositivo permanente de vixilancia da contorna dos centros educativos, controlou durante os primeiros meses de ano oito centros de ensino secundario.
Realizáronse un total de 35 controis, que arroxaron un dato preocupante en relación ao absentismo escolar, ao ascender a 33 as intervencións da Policía polas 5 de todo o ano 2015.
Tamén preocupa o consumo e tráfico de drogas, aínda que as denuncias descendesen. En total denunciáronse oito casos polos 18 do pasado curso escolar. Cando se detecta un destes casos ademais da denuncia procédese a avisar aos pais do menor, á imputación do presunto delincuente e a súa posta a disposición das autoridades xudiciais.
A campaña, na que tamén colabora a Comisaria Provincial da Policía Nacional, conta coa implicación dos profesionais docentes, que colaboran en situacións de conflito, e tamén dos Servizos Sociais do Concello por se é necesaria a súa intervención.