Ingresa en prisión un veciño de Vilagarcía acusado dunha vaga de roubos no Salnés
Por Redacción
Ata 23 delitos contra o patrimonio imputa a Garda Civil a un veciño de Vilagarcía de Arousa de 43 anos de idade, todos eles cometidos na comarca do Salnés desde o mes de xullo do ano pasado.
En concreto, considéraselle responsable de 16 delitos de roubo con forza nas cousas, cinco delitos de furto e dous delitos de roubo con violencia que cometería en diferentes lugares dos concellos de Vilagarcía de Arousa, Vilanova de Arousa e A Illa de Arousa.
O modus operandi empregado polo detido consistía na rotura de xanela ou porta dunha planta baixa de vivendas de segunda residencia ou anexos ás mesmas, tales como garaxes, adegas ou trasteiros, subtraendo xoias, electrodomésticos, ferramentas ou televisores.
A Garda Civil, que iniciara as investigacións ante o incremento de delitos por roubos contra o patrimonio na zona, lograron detelo o pasado 14 de abril.
Ao detido, ao que lle constan amplos antecedentes policiais, foi posto a disposición xudicial no xulgado de instrución número 1 de Vilagarcía, cuxo titular decretou o seu ingreso en prisión.