O xerente da área sanitaria ante as avarías nos equipos: "se van a seguir estropeando aparatos"
Por Oskar Viéitez
Na área integrada Pontevedra-O Salnés están a funcionar ao día ao redor de 15.000 aparellos distintos polo que o xerente destes centros sanitarios, José Manuel González, entende que "es normal y habitual que haya un porcentaje de equipos que se estropean".
Esta foi a resposta de José Manuel González ao ser preguntado polos xornalistas polas denuncias formuladas polo sindicato CIS-Saúde polas "constantes suspensiones de pruebas clínicas y quirúrgicas" debido a estas avarías.
"Este tipo de equipos fallan en todas partes", apuntou González, polo que "pretender que estén funcionando bien en todo momento 15.000 aparatos es imposible, se van a seguir estropeando aparatos", afirmou o xerente.
O responsable dos hospitais de Pontevedra e O Salnés rexeita que a falta de mantemento ou de orzamento para a renovación de aparellos sexa a causa destes incidentes, ao contrario, González lembrou que un recente investimento en equipos electromédicos.
Finalmente, José Manuel González asegurou que "no hay ningún servicio paralizado", e que a programación cirúrxica non se interrompeu.