O director da Escola Naval francesa visita o centro de ensino da Armada en Marín
Por Redacción
O director da Escola Naval de Oficiais en Francia, o contraalmirante Benoit Lugan, realizou unha visita oficial de dous días ao centro de ensino da Armada en Marín.
O contraalmirante francés chegou á Escola Naval de Marín (ENM) o domingo a bordo do Buque "La Belle Poule", e foi recibido polo seu homólogo español, o capitán de navío José María Núñez Torrente.
Nesta primeira visita do oficial francés a Marín puido comprobar de primeira man o funcionamento diario da Escola, o grao de implementación do novo modelo de ensino e os plans de estudos asociados que, actualmente, impártense aos futuros oficiais da Armada en España.
Ademais, durante a visita embarcou nalgúns dos buques empregados para o adestramento dos alumnos e realizou un percorrido por diversas instalacións, como os simuladores de tiro e navegación, a biblioteca académica, os cuarteis e o Centro Universitario da Defensa.
A Escola Naval Militar mantén moi boas relacións con outras armadas aliadas, en especial coa Armada francesa, coa que conta cun intercambio permanente de profesores e alumnos.