A Xunta amplía a alerta laranxa de temporal para Pontevedra a partir da tarde deste domingo
Por Redacción
A Axencia Estatal de Meteoroloxía (Aemet) prevé un temporal por mar combinada do oeste, con ondas de ata 6 metros na provincia de Pontevedra. Está previsto que comece na tarde deste domingo 27. Ante esta situación, a Xunta de Galicia decidiu ampliar a alerta de temporal de nivel laranxa á provincia de Pontevedra.
Co fin de garantir a seguridade dos bens e das persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia xa trasladou a información desta situación aos concellos das provincias do litoral galego; ás Deputacións, servizos provinciais, agrupacións de voluntarios de Protección Civil e aos clubs náuticos, entre outros colectivos coa intención de que se adopten medidas que eviten danos.
Desde a Xunta de Galicia lémbraselle aos cidadáns a importancia de seguir as medidas de protección. Desta forma, lembra que se debe evitar aproximarse a diques ou rompientes co fin de previr un eventual golpe de mar que poida arrastrar persoas ou obxectos. Tamén recomenda que se vixíe a posbile caída de materiais desde balcóns e xanelas.
Desde a Vicepresidencia da Xunta convidan a consultar a páxina web do CAE 112 na que se ofrece información meteorolóxica e con ligazóns de interese ante calquera emerxencia.