Unha muller resulta ferida grave ao perder o control do vehículo na Vía do Salnés
Por Redacción
Unha muller de 37 anos resultou ferida de gravidade tras impactar o seu vehículo contra o valado de protección da Vía do Salnés ás 15.20 horas deste luns 21 no concello de Meis. O turismo saía da vía na AG-41 antes do desvío cara a Cambados e Ribadumia.
Ata o lugar desprazáronse os bombeiros do Salnés para liberar á muller que quedou atrapada dentro do vehículo, unha ambulancia asistencial, un helicóptero do 061 e persoal sanitario do PAC de Cambados.
Decidiuse trasladar á vítima do accidente a través do helicóptero H3 ao Hospital CHUS de Santiago de Compostela, segundo informa o servizo de Emerxencias do 061.