O futuro da neurociencia pasa por Sanxenxo
Por Redacción
A Sociedade Española de Neurociencia (SENC) escolleu Sanxenxo como sede da IX Cajal Winter Conference, unhas xornadas nas que se reunirán destacados científicos procedentes de prestixiosas universidades, como Oxford ou Lausanne.
Ademais de debater sobre o futuro, os avances que se produciron dentro do ámbito da neurociencia nos últimos anos e a revolución que estes descubrimentos supuxeron a nivel clínico, de investigación e social, as xornadas estará abertas a toda a cidadanía a través de diversas actividades de divulgación científica.
Paralelamente ao programa profesional o evento inclúe un café teatro científico sobre neurociencia e diversas actividades como visitas a colexios ou charlas para estudantes coa intención de achegar a ciencia á sociedade.
Investigadores das Universidades da Coruña e de Vigo, así como do Hospital Nacional de Parapléxicos de Toledo son os promotores de que Sanxenxo fose seleccionada pola SENC para a celebración dun evento que durante tres días permitirá aos profesionais da neurociencia poñer en común os avances das súas investigacións.
A IX Cajal Winter Conference celebrarase entre os días 25 e 27 de abril.